၂၆။ အနန္တတန်ခိုးရှင်ချီးမြောက်ကျူး

　( ၁ယော၊ ၅း၇ )

၁ တန်ခိုးအနန္တရှင်

　ကြွလာ၊ မဟာဘုရင်

　နာမတော်အား

　ကျွန်ုပ်တို့ချီးမွမ်းရ၊

　မစတော်မူအဘ၊

　အောင်မြင်ဘုန်းနှင့်တကွ၊

　စိုးစံမူပါ။

၂ ကျွန်ုပ်တို့ယေရှုရှင်

　အကွယ်အကာကြွဆင်း

　မလဲအံ့ငှာ။

　ရန်သူတို့လက်ထဲက

　လွတ်မည့်အကြောင်းကယ်မ။

　ကိုယ်တော်သာမှီတွယ်ရာ၊

　နာယူမူပါ။

၃ နှုတ်ကပတ်တော်ကြွလာ။

　ကျွန်ုပ်တို့ပတ္ထနာ

　နားညောင်းတော်မူ။

　ကိုယ်တော်၏လူအပေါင်း

　တရားအကျိူးမြင်အောင်

　ကောင်းကြီးများစွာသွန်းလောင်း

　ဆင်းသက်တော်မူ။

၄ အိုဥပဇ္စျာယ်ဆရာ၊

　သက်သေတော်ခံခြင်းငှာ

　ကြွပါ၊ ယခု။

　တန်ခိုးခပ်သိမ်းရှိသော

　မဟာမြတ်ဝိညာဉ်တော်

　အကျွန်ုပ်တို့အပေါ်

　အုပ်စိုးခြင်းပြု။

၅ သုံးပါးတစ်ဆူဘုရား

　ကိုယ်တော်အရှင်မြတ်အား

　ချစ်ခင်မှီဝဲ။

　အထက်ဘုံ၌ဖူးမြော်၊

　တန်ခိုးဘုန်းအာနုဘော်

　ရှိတော်မူပါစေသော။

　အစဉ်အမြဲ။